WalkapaloozA: alay-lakad para sa mahal na araw? o katuwaang walk trip lang?
Mahal na Araw. April 09 , huwebes santo. Gaya lang nung nakaraang taon, napagusapan naming magkakasamang mag-lakad ulit papuntang Grotto Shrine sa may San Jose del Monte, Bulacan. Pangalawang beses ko na itong pagkakataon na kasama sila Jakcass, Vhoikz at Charlie sa lakarang ito pero mas marami kami ngayon, iba namang mga kasama.
Nagsimula kami ng 8pm sa SM Fairview at nilakad ang kahabaan ng Quirino Highway, natahak namin mula Lagro maingay kami sa tinatahak naming daan. Dito ko nalaman na nakakabuang pala ang pinagsama-samang halakhak nila Lindsay, Pau at ang bacon kong si Arlene…sobrang matindi. At hanggang nasa Caloocan na kami at sa lahat ng pagod namin nakarating na kami ng Bulacan. Welcome to the City of San Jose del Monte!!
Malaking simbahan, stations of the cross, dambanang panalanginan, mga deboto, ilaw ng mga kandila, ingay ng mga dumarayo, malamig na hangin, mga bote ng tubig naming wala ng laman, mga pagod na paa, gutom na sikmura at tumatagaktak na pawis.
‘Yan ang mga inabutan namin sa pagdating namin doon nang alas-onse na ng gabi. Pumasok agad kami ng simbahan, nagpahinga, nanahimik, tumambay, wala lang. Pagkalabas, naglakad-lakad at sumama sa daloy ng ‘di magkamayaw na mga tao. Nagpatuloy kami sa paglalakad kahit nagka-paltos na sa paa ang ilan sa mga kasama namin. Naging maingay kami sa kulitan, kantyawan, kwentuhan at tawanan, ‘di na nakapagdasal. Nakahanap kami ng “chill spot” namin para makaranas umupo at magpahinga.
3am na napagkasunduang umuwi. Bago yun minarapat na naming kumain dahil hindi na kaya ng mga gutom naming sikmura ang kumukulong ingay nito. Plain lugaw ang nagpatahimik sa dumudulog naming tiyan dahil sa kawalang hapunan at pagod na rin.
Sa gitna ng aming pagkain… ten-tenenenn… si Nicole! Kahawig ni Cindy Kurleto, seksi, bagay sa kanya ang puti nyang damit at mukhang bigtym! Hahaha, at nakalibre sana ng lugaw. Sayang at hinayaan ni Charlie ang oportunidad. Haayy. .
P.S. ~ si Nicole ay isang BAKLA!!
..pissed out
